Повторно започна со работа Подрачната единица на Агенцијата за поттикнување на развој во земјоделитето во општина Македонска Каменица. Истата, за прием ќе биде отворена секој работен ден од 08:30 до 16:30 часот. Основна дејност на канцеларијата е прием на апликации од тековните програми, како и консултантски услуги од областа на земјоделието во врска со развојните програми и тековни проекти.
Отворањето на канцеларијата на Агенцијата за поттикнување на развој во земјоделитето е помогнато од општина Македонка Каменица, истата се наоѓа на вториот кат од општинската административна зграда. Во канцеларијата е вработено стручно лице, дипл. иженер – агроном, се со цел доближување на земјоделците до новините и тековните развојни процеси што разните владини и странски фондови ги нудат за развој на земјоделието.