Покана за третата сесија на Проектниот форум во Македонска Каменица

Општина Македонска Каменица ги поканува граѓаните да земат активно учество на третата сесија на Проектниот форум, која ќе се одржи на 10 септември 2026 година, со почеток во 13:00 часот, во Спортската сала зад СОУ „Миле Јаневски – Џингар“ во Македонска Каменица.

На третата форумска сесија ќе бидат детално презентирани четири предлог-проекти од областа на локалниот економски развој, произлезени од идеите и концептите за кои се дискутираше на претходната форумска сесија.

Присутните граѓани ќе имаат можност активно да учествуваат во дискусијата и да придонесат во дефинирањето на предлог-проектите што ќе бидат доработени како конечни проектни апликации.

За конечните проектни апликации ќе се гласа на четвртата форумска сесија.

Целта на Проектниот форум е зголемување на учеството на граѓаните во процесот на донесување одлуки на локално ниво и нивно директно вклучување во утврдувањето на локалните приоритети.

За финансирање на приоритетниот проект е обезбеден фонд во вкупен износ од 30.000 американски долари, од кои 15.000 долари се обезбедени преку проектот, а 15.000 долари претставуваат кофинансирање од Општина Македонска Каменица.

Проектниот форум се реализира во рамки на проектот „Зајакнување на општинските совети – Фаза 2“, финансиран од Владата на Швајцарија и Министерството за локална самоуправа, а кофинансиран и спроведуван од УНДП во соработка со националните и локалните партнери.

Општина Македонска Каменица ги повикува граѓаните да се вклучат во форумскиот процес и со своето учество да придонесат во изборот на приоритетните проекти за локален економски развој.

Сподели

Остави коментар