Доделени пехарите и наградите на победниците од летниот шаховски турнир во Македонска Каменица

Вчера во просториите на Куќа на спортот во Македонска Каменица се одиграа финалните натпревари од летниот турнир во шах во организација на Шаховскиот клуб „Каменица-Саса“. Турнирот се одигра според швајцарски систем на натпреварувања, во текот на изминатите 17 дена.

Победник во машка сениорска конкуренција е Лазо Стаменковски, победник и на поселедниот турнир одигран пред дури 25 години . Второ место освои Стојче Милошевски, а третото место им припадна на Ферчо Ивановски и Славе Ивановски. .
Во женска конкуренција- сениори најуспешна беше Славка Димитровска, втора Валентина Васевска, а третото место го освои Лилјана Павлова.

Судија на натпреварувањето, во текот на целиот турнир беше Владо Стаменковски.

Спонзори на турнирот се општина Македонска Каменица и Рудник САСА. Според заедничките планови со ШК „Каменица Саса“, општината преку слични вакви настани и проекти има за цел, пред се шахот да го приближи и до најмладите преку нивно вклучување и имплементирање на шахот во школските часови како факултативна настава за учениците од училиштата. Повторното враќање на шахот како игра во Македонска Каменица е идеја на група ентузијасти, вљубеници во шаховската игра, кои за краток период успеаа да го организираат и одиграат овој шахосвки турнир, кој се надеваме, како Општина дека ќе прерасне во убава традиција.

Сподели

Остави коментар